Müslüm Sultanoğlunun “Vətənə gedən yol… “ şeir kitabında müəllif oxucunu vətən torpağına duyulan müqəddəs yurd həsrəti və tariximizin qəhrəmanlıq səhifələri ilə qarşılayır. Ananın həzin laylasından başlanan poetik ömür yolu doğma köklərə bağlı ata ocağının müqəddəsliyi ilə davam edir. Müəllifin isti ailə yuvası, övlad və nəvə sevgisi isə onun bütöv bir dünyasına çevrilərək poetik nümunələrə xüsusi bir səmimiyyət qatır. Şeirlərdə təbiətin təkrarolunmaz naxışları ilə yanaşı, insan ömrünün zaman güzgüsündəki əksi dərin bir fəlsəfə ilə vəsf olunur. Müəllif haqqında xatirələr və tarixin vizual yaddaşı olan fotolar isə kitabı bütöv bir bədii-sənədli salnaməyə çevirir. Bu şeirlər hər bir oxucunu keçmişin şirin duyğuları ilə gələcəyin ümid dolu sabahı arasında mənəvi səyahətə çıxarır.
imza.info